Available WordPress / Web Hosting / Domain Services

Available WordPress / Web Hosting / Domain Services

బ్లాగ్గింగ్ సొంత హోస్టింగ్ ప్లానుతో మనకి నచ్చిన డొమైన్ పేరుతొ చేయడం

ఉచిత బ్లాగ్ సర్వీసులలో పరిమితులు ఉంటాయి, లేక మన బ్లాగు పేరుకు బ్లాగ్గింగ్ ప్రొవైడర్ పేరు కూడా జత చేయబడి ఉంటుంది. ఉదా: wordpress లో మీరు ఉచిత బ్లాగ్ create చేస్తే మీ బ్లాగు డొమైన్ అడ్రస్ ఇలా ఉంటుంది. ‘yourblogname.wordpress.com’, దీనిని సబ్ డొమైన్ అంటారు. డొమైన్ నేమ్ అంటే కేవలం మీరు ఎంచుకున్న పేరే మీ బ్లాగు అడ్రస్ గా ఉంటుంది. ప్రతి డొమైన్ అడ్రస్ ఒక ఎక్స్టెన్షన్ ఎండ్ అవుతుంది. అవి .com, .in, .net, .org, .blog, .website .co మొదలైన అనేక ఎక్స్టెన్షన్లు ఆన్ లైన్లో లభిస్తాయి. అయితే అందరు ఎక్కువగా ప్రపంచ వ్యాప్తంగా వాడేది .com ఎక్స్టెన్షన్. .in అనేది దేశ పేరు అనుసరించి India లో in ఎక్స్టెన్షన్ గా వాడుతారు. అలాగే ఇతర దేశాలకు అయితే అమెరికా అయితే .us లాగా ఉంటయి. అలాగే కొన్ని సంస్థలు లేక వ్యవస్థలు వెబ్ సైట్లు ఎక్కువగా .net లేక .org ఎక్స్టెన్షన్లు ఉపయోగిస్తారు. ఏదైనా డొమైన్ పేరు మాత్రం అక్షరాలన్నీ కలిపే వ్రాయబడతాయి.

ఉచిత బ్లాగ్గింగ్ మాత్రమే కంటిన్యూ చేస్తూ, బ్లాగ్ పేరు మాత్రం, సొంతంగా డిజైన్ చేసిన పేరునే డొమైన్ నేమ్ గా వాడాలంటే, కేవల డొమైన్ కొనుగోలు చేసి, బ్లాగ్గింగ్ ప్లాట్ ఫారం ప్రొవైడర్ సెట్టింగ్స్ లో డొమైన్ చేర్చాలి. ఉచిత బ్లాగ్గింగ్ అంటే ఎక్కువగా గూగుల్ బ్లాగర్ ఉపయోగిస్తూ ఉంటారు. సులభంగా పోస్టులు చేయవచ్చు, గూగుల్ సెక్యూరిటీ ఉంటుంది అని అంటారు.

గూగుల్ బ్లాగర్ ఉపయోగిస్తే, డొమైన్ కొనుగోలు గూగుల్ ఎకౌంటు నుండి కొనుగోలు చేయవచ్చు లేదా గోడాడీ వెబ్ సైట్ నుండి డొమైన్ కొనుగోలు చేయవచ్చు. గూగుల్ ఎకౌంటు నుండి కొనుగోలు చేస్తే మీరు సెట్టింగ్స్ ప్రత్యేకంగా మార్పులు చేయనవసరం లేదు, కానీ ఇతర వెబ్సైటు గోడాడీ లాంటి వెబ్ సైట్లో డొమైన్ కొనుగోలు చేస్తే మీరు డొమైన్ సెటప్ గూగుల్ వారి సూచనలు అనుసరించి మార్పులు చేసుకోవాలి.

హోస్టింగ్ అంటే సర్వర్ స్పేస్ అద్దెకు తీసుకోవడం, నెలవారీ అద్దెకు సర్వర్లో కొంత స్పేస్ అమ్మకం చేసే వారిని హోస్టింగ్ సర్వీస్ ప్రొవైడర్స్ అంటారు. Cpanel సహాయంతో వెబ్ సైట్ కంట్రోలింగ్ చేయవచ్చు. ఇక హోస్టింగ్ పధకాలు వివిధ ధరలలో సదుపాయాల ఆధారంగా లభిస్తాయి. సొంతంగా మేనేజ్ చేసుకునే వారికీ వెబ్ టెక్నాలజీ తెలిసి ఉన్నా లేక తెలిసిన వారితో చేయించుకోవడం చేయాలి. బ్లాగర్ హోస్టింగ్ తీసుకోవడం అంటే ముందుగా సర్వర్లో మీ బ్లాగు పేరు మీద కొంత పరిమిత స్పేస్ కొనుగోలు చేయడం.

హోస్టింగ్ ఎకౌంటు కొనుగోలు చేసేటప్పుడు, సదరు హోస్టింగ్ ప్రొవైడర్స్ పై రివ్యూ రేటింగ్ వెబ్ సైటులు ఉంటాయి, అలాగే వాటి సేవలు మరియు పనితీరు పైన కొంతమంది వినియోగదారుల అభిప్రాయాలు షేర్ చేసే వెబ్ సైట్లు లేక బ్లాగులు ఉంటాయి. అవి చూస్తే హోస్టింగ్ ప్లాన్స్ మరియు వాటి సదుపాయాలు గురించి సరి అయిన అవగాహన వచ్చే అవకాశం ఉంటుంది.

అంతర్జాతీయంగా సేవలు అందించే సంస్థలలో హోస్ట్ గేటర్, డ్రీం హోస్ట్, బ్లూ హోస్టింగ్, ఇన్ మోషన్ హోస్టింగ్, ఏ2హోస్టింగ్, గోడాడీ తదితర వెబ్ హోస్టింగ్ కంపెనీ కలవు. మనకి ప్రాంతీయంగా అయితే లేబిల్ హోస్టింగ్ అందుబాటులో హైదరాబాద్లో ఉంది. సదరు వెబ్ సైట్ల లింకులు దిగువగా ఇవ్వబడ్డాయి, లింకుపై క్లిక్ చేసి సదరు వెబ్ సైట్ దర్శించవచ్చు.

హోస్ట్ గేటార్ HOSTGATOR
డ్రీం హోస్ట్ DREAM HOST
A2హోస్టింగ్ A2HOSTING
బ్లూ హోస్టింగ్ BLUE HOSTING
ఇన్ మోషన్ హోస్టింగ్ INMOTION HOSTING
లేబెల్ హోస్టింగ్ LABEL HOSTING

అలాగే హోస్టింగ్ పధకాలలో మొదటి చెల్లింపులో డొమైన్ నేమ్ ఉచితంగా అందించే పధకాలు ఉంటాయి, అయితే ప్రాధమిక పధకాలలో మాత్రం డొమైన్ నేముపై ప్రత్యేక రుసుం ఉంటుంది. ఒకటే వెబ్ సైట్ లేదా బ్లాగు మాత్రమే చేసేవారికి ప్రాధమిక పధకం సరిపోతుంది.

ఇచ్చిక పేరుపై డొమైన్ ఉంది లేనిది ఆన్ లైన్లో చెక్ చేసుకోవచ్చు. మీకు నచ్చిన పేరుతో ఇంతకుముందు ఎవరు డొమైన్ రిజిస్టర్ చేయకుండా ఉంటే, మీ ఐచ్చిక పేరుకు.com ఎక్ష్తెన్సన్ తో వివిధ డొమైన్లు చూపుతుంది. ఒకవేళ మీ ఐచ్చిక పేరుతో ఎవరైనా రిజిస్టర్ చేసుకుని ఉంటే మాత్రం మీరు ఇతర ఎక్ష్తెన్సన్ డొమైన్ సెలెక్ట్ చేసుకోవాలి. అయితే ఎక్కువగా .com ఎక్ష్తెన్సన్ ఎక్కువ ప్రాధాన్యత ఇవ్వడం పరిపాటి. కొన్ని ప్రీమియం డొమైన్లు అమ్మకానికి ఉంటాయి, ఒకవేళ మీ ఐచ్చిక పేరు సదరు ప్రీమియం డొమైన్ల లిస్టులో ఉంటే, మీకు అదేపేరుతో డొమైన్ కావాలంటే మాత్రం మీరు సాదారణ ధర కన్నా ఎక్కువ ధరతో సదరు రిజిస్టర్ చేసుకున్న సంస్థ లేదా వ్యక్తికీ చెల్లించి కొనుగోలు చేయాలి.

ఎక్కువగా పాపులర్ లేక వాడుకలో ఉండే పదాలను కొంతమంది వ్యక్తులు కానీ కొన్ని సంస్థలు కానీ ముందుగా డొమైన్ వారి పేరుపై డొమైన్ రిసెల్లర్ పధకంలో రిజిస్టర్ చేసుకుని, అవసరమైన వారికీ సాదారణ ధర కన్నా ఎక్కువ ధరలో అమ్మకాలు చేస్తూ ఉంటారు. సాదారణంగా ధర ఆ పేరుయొక్క డిమాండుని బట్టి నిర్ణయిస్తారు. అలా ఎక్కువగా వాడుకలో ఉండే పదాలు ప్రీమియం డొమైన్లుగా రూపాంతరం చెందుతాయి. పైన ఇవ్వబడిన హోస్టింగ్ ప్రొవైడర్ వెబ్ సైట్లలో కూడా మీరు డొమైన్ చెక్ చేసుకుని హోస్టింగ్ ప్లాన్ మరియు డొమైన్ కొనుగోలు చేయవచ్చు.

ధన్యవాదాలు
vegawebviews